Restaurant Rössli Säriswil - Werkstatt der Sinne AG (Säriswil)

Sit em Januar 2016 louf ds Rössli ungerem Name «Werkstatt der Sinne AG»,

wiso?:

Ds Gaschtgwärb isch uf Handwärch ufbout. Sigs ir Chuchi, wo aui Prodkt i Handarbeit vüredlet wärde oder im Service, wo äbefaus es Handwärch usgfüert wird.

Bi üs söue aui Sinne agregt wärde.

Mit de Ouge, der Nase, mitem Muu wie o mit mängem angere Organ söue öier Sinne agsproche wärde und es blibends, postivs Biud vo üsem Wirtshuus hingerlah.

D’ Traditon und ds Moderne verbinge. Eifach gmüetlech u eifach gedige.

Chömit verbi u löt nech vo üsere langjährige Erfahrig und em neue Wind vürwöhne u überzüget öich säuber vo üsere Art.

Sigs füre chli Hunger, es eifach guets Mittagstäuer oder es umfänglechs, mehrgängigs Gourmet-Menu.

Mir fröie üs uf Öich….

Fritz & Marina Kaufmann-Wanner mitem Rössli-Team